Day: २०८३ असार २६, शुक्रबार १२:३२

हेटौँडा, २६ असार । हेटौँडा उपमहानगरपालिका वडा नम्बर ८ मा सञ्चालित सप्ताहव्यापी रचनात्मक अभियान अन्तर्गत आज छैटौँ दिन चन्द्रोदय माध्यमिक विद्यालयको खेलचौर तथा आसपासका क्षेत्रमा एक बृहत् सरसफाइ कार्यक्रम सफलतापूर्वक सम्पन्न भएको छ। टोल विकास संस्था वडा समन्वय समिति हेटौँडा–८ को आयोजनामा भएको उक्त कार्यक्रममा समुदायमा स्वच्छता र वातावरणीय चेतना जगाउने उद्देश्यका साथ व्यापक जनसहभागिता जुटेको थियो। विद्यालय परिसरलाई स्वच्छ र सुन्दर बनाउने यस अभियानमा स्थानीय जनप्रतिनिधि, पूर्व जनप्रतिनिधि तथा वडाका १९ वटै टोल विकास संस्थाका प्रतिनिधिहरूको उत्साहजनक उपस्थिति रहेको थियो। ​यस विशेष सरसफाइ अभियानलाई थप प्रभावकारी बनाउन सशस्त्र प्रहरी बलको टोलीले समेत उल्लेखनीय प्राविधिक तथा भौतिक सहयोग पुर्‍याएको थियो।…