नेपाल डटकम

मकवानपुर। जनमत पार्टीका केन्द्रीय सदस्य तथा मकवानपुर जिल्ला इञ्चार्ज आर.आर. सुवेदी नेपाली कम्युनिस्ट पार्टी (नेकपा) मा प्रवेश गरेका छन्। मंगलबार हेटौंडा–४ स्थित जिल्ला पार्टी कार्यालयमा आयोजित कार्यक्रममा नेकपाका मकवानपुर जिल्ला इञ्चार्ज विजय गौतम, जिल्ला संयोजक भीम पाख्रिन र किशोर बर्तौलाले खादा लगाएर सुवेदीलाई पार्टीमा स्वागत गरेका हुन्। कार्यक्रममा उपस्थित नेताहरूले सुवेदीको प्रवेशले संगठन सुदृढीकरणमा थप योगदान पुग्ने विश्वास व्यक्त गर्दै स्वागत तथा बधाई दिएका थिए। पार्टी प्रवेशपछि सुवेदीले नेकपाको नीति, विचार र कार्यक्रमप्रति विश्वासले नै आफू पार्टीमा आवद्ध भएको बताउँदै संगठन विस्तार र जनताका मुद्दामा सक्रिय रहने प्रतिबद्धता जनाए।

मकवानपुर। गुरुङ समुदायले पुरानो वर्षलाई बिदाइ गरी नयाँ वर्षलाई स्वागत गरेर आज तमु ल्होसार पर्व मनाउँदै छन् । ल्होको अर्थ ‘वर्ष’ र ‘सार’को अर्थ फेरिनु भएकाले वर्ष फेरिने दिनलाई ‘तमु ल्होसार’ भनिएको हो । तमु ल्होसारलाई गुरुङ समुदायले नयाँ वर्षका रूपमा भव्य रुपमा मनाउँछन् । तमु ल्होसार पर्व सूर्यको किरणसँग सम्बन्धित छ । गुरुङ बाहुल्य रहेको लमजुङ, गोरखा, तनहुँ, स्याङ्जा, मनाङ, कास्की, पर्वतलगायत जिल्लामा सूर्यको ताप पहिले आउने भएकाले पुसमा यो पर्व मनाउने गरिएको हो । यसपछि क्रमशः तामाङ र शेर्पा जातिको बसोबास भएको क्षेत्रमा सूर्यको ताप आउने भएकाले माघ र फागुनमा यो पर्व मनाइने विश्वास गरिन्छ । पुस १५…

मकवानपुर। नेपाली बजारमा सोमबार (पुस १४) सुनको मूल्य घटेको छ । अघिल्लो दिन ‘रेकर्ड’ बिन्दुमा पुगेको सुनको मूल्य यस दिन घटेको हो । नेपाल सुनचाँदी व्यवसायी महासंघका अनुसार आज सुन प्रतितोला ६०० रुपैयाँ घटेर दुई लाख ७० हजार रुपैयाँमा झरेको छ ।आइतबार दुई लाख ७० हजार ६०० रुपैयाँमा कारोबार भएको थियो । महासंघका अनुसार यस दिन चाँदी प्रतितोला चार हजार ८९५ रुपैयाँ पुगेको छ । यो अहिलेसम्मकै उच्च हो । आइतबार भने चार हजार ८३५ रुपैयाँमा कारोबार भएको थियो ।

मकवानपुर। आउँदो फागुन २१ गते हुने प्रतिनिधिसभा सदस्य निर्वाचनका निम्ति मतदाताको अन्तिम नामावली प्रकाशन गरेको छ । शनिबार (पुस १२) निर्वाचन आयोगले मतदाता नामावली प्रकाशन गरेको हो । “संवत् २०६२ साल फागुन २१ गते हुने प्रतिनिधिसभा सदस्य निर्वाचन प्रयोजनका लागि मतदाता नामावली ऐन, २०७३ को दफा २० बमोजिम आयोगबाट आज अन्तिम मतदाता नामावली प्रकाशन गर्ने निर्णय भएको छ,” आयोगद्वारा जारी विज्ञप्तिमा उल्लेख छ । आउँदो फागुन २० गतेसम्म १८ वर्ष उमेर पूरा हुने नागरिकको विवरणलाई अद्यावधिक गरी मतदाता नामावली प्रकाशन गरिएको आयोगले जनाएको छ । “प्रकाशित अन्तिम मतदाता नामावलीमा ९६,६३,३५८ पुरुष, ९२,४०,१३१ महिला र अन्य २०० गरी जम्मा १,८९,०३,६८९ मतदाता…

मकवानपुर। आगामी निर्वाचनलाई लक्षित गर्दै निर्वाचन आयोगले मिडिया सेन्टर सञ्चालनमा ल्याएको छ । आगामी माघ ११ गतेका लागि तय भएको राष्ट्रिय सभा निर्वाचन र आगामी फागुन २१ गतेका लागि तय भएको प्रतिनिधि सभा सदस्यको निर्वाचनसम्बन्धी गतिविधिबारे जानकारी दिन तथा सञ्चारमाध्यमसँग पारस्परिक सम्बन्ध स्थापित गर्न आयोगले शुक्रवारदेखि आयोगकै कार्यालयमा मिडिया सेन्टर सञ्चालनमा ल्याएको हो । आयोगले शुक्रवारदेखि सञ्चालनमा आएको मिडिया सेन्टरमा पत्रकार सम्मेलन गर्दै निर्वाचनसम्बन्धी सूचना एकीकृत रूपमा प्रवाह गर्नको लागि मिडिया सेन्टरको स्थापना गरिएको जनाएको छ । आयोगका सहसचिव एवं प्रवक्ता नारायणप्रसाद भट्टराईले मिडिया सेन्टरमार्फत निर्वाचनसम्बन्धी आधिकारिक सूचना प्रवाह, पत्रकार सम्मेलन आयोजना तथा सञ्चारमाध्यमलाई सत्यतथ्य समाचार उपलब्ध उपलब्ध गराउन सेन्टरको…

मकवानपुर। स्थानीय बजारमा सुनको मूल्य आज पनि बढेर रेकर्ड ब्रेक गरेको छ । अघिल्लो दिन तोलामा ५ हजार ५०० रुपैयाँले बढेर २ लाख ६७ हजार २०० रुपैयाँ पुगेको सुनको भाउ आज थप ९०० रुपैयाँले बढेको हो । नेपाल सुनचाँदी व्यवसायी महासंघका अनुसार आज छापावाला सुन प्रतितोला २ लाख ६८ हजार १०० रुपैयाँमा कारोबार भइरहेको छ । यस्तै, आज चाँदीको मूल्य पनि तोलामा १६५ रुपैयाँले बढ्दै ४ हजार ४२० रुपैयाँ पुगेको छ । यो पनि हालसम्मकै उच्च मूल्य हो । अघिल्लो दिन चाँदी प्रतितोला ४ हजार २५५ रुपैयाँमा कारोबार भएको थियो ।